इरानका १० उच्च अधिकारीको सुराकी दिनेलाई अमेरिकाले एक करोड डलर इनाम दिने

काठमाडौँ । अमेरिकाले इरानका नवनियुक्त सर्बोच्च नेता मोजतबा खामेनीसहित १० शीर्ष इरानी अधिकारीहरुको टाउकोमा मोल तोकेर सूचना जारी गरेको छ ।

अमेरिकाको विदेश मन्त्रालयले खामेनीसहित १० जनाको बारेमा सूचना दिने व्यक्तिलाई एक करोड डलरसम्मको इनाम दिने घोषणा गरेको छ ।

यो सूचीमा इरानको सर्बोच्च राष्ट्रिय सुरक्षा परिषदका सेक्रेटरी अली लारीजानीको नाम पनि सामेल छ । लारी केही दिनअघि इरानमा भएको अमेरिकाविरोधी प्रदर्शनमा देखिएका थिए । त्यस्तै, मेजर जनरल रहिम सफावी, अलि अस्गर हेजाजीलगायत १० जना छन् ।