काठमाडौँ । नेपाल भ्रमणमा रहेका भारतीय पूर्वक्रिकेटर सचिन तेन्दुल्करले शनिबार दिउँसो टियु मैदान कीर्तिपुरमा क्रिकेट खेलेका छन् । सचिन र नेपालका पूर्व कप्तान एवं प्रशिक्षक विनोद दासको टोलीले आठ ओभरको मैत्रीपूर्ण सद्भावना क्रिकेट खेल खेलेको हो ।
संयुक्त राष्ट्रसंघको बालअधिकार सम्बन्धी महासन्धी पारित भएको ३० वर्ष पूरा भएको अवसरमा यूनिसेफले नेपालमा मैत्रीपूर्ण क्रिकेट आयोजना गरेको हो । बालअधिकार सम्बन्धि जनचेतना फैलाउने उद्देश्यले आयोजित प्रतियोगितामा सचिनको टोली नौ विकेटले विजयी भयो । टस हारेर पहिले ब्याटिङ गरेको विनोद दासको टोलीले निर्धारित आठ ओभरमा चार विकेटको क्षतिमा ४४ रन बनाएको थियो ।
४५ रनको विजयी लक्ष्य पछ्याएको सचिनको टोलीले ६ ओभरमा एक विकेटको क्षतिमा विजय लक्ष्य पूरा गरेको थियो । सचिनले मैदानमा ब्याटिङ, बलिङ र विकेटकिपरको तीनवटै भूमिका निभाएर समर्थकलाई मनोरञ्जन दिए । सचिनले सात रन बनाएका अन्य खेलाडीलाई मौका दिएका थिए । अन्तिम बलमा चौका हानेर सचिन बाहिरिए । नेपालका विनोद दासले एक विकेट लिए ।
प्रतिक्रिया दिनुहोस
सफल खबर संवाददाता
शनिबार, ३० कार्तिक २०७६, १२ : ४४
लेखकबाट थप
सम्बन्धित समाचारहरु
क्रिकेटः मलेसियाविरुद्ध टस हारेर बलिङ गर्दै नेपाल
आयरल्याण्ड ‘ए’विरुद्ध नेपालको उत्कृष्ट शुरूआत
आयरल्यान्ड 'ए'विरुद्ध नेपालले पहिला ब्याटिङ गर्ने
वीरेन्द्रनगरमा क्रिकेट रङ्गशाला र देउडा पार्क निर्माण सुरु
नेपाल र हङकङले आज मैत्रीपूर्ण क्रिकेट खेल्ने
नेपाल ए ले दियो क्यानडा-११ लाई १८२ रनको लक्ष्य