मोटरसाईकल पल्टिदा मृत्यु

चितवन । मोटरसाइकल पल्टिदा चितवनमा एक जनाको मृत्यु भएको छ । भरतपुर महानगरपालिका १ ठिमुराका ३५ वर्षीय डिल्लीराम गौतमको मृत्यु भएको जिल्ला प्रहरी कार्यालय चितवनले जनाएको छ । 

रामनगरबाट ठिमुरातर्फ गइरहेको ना १५ प ५१४१ नम्बरको मोटरसाईकल शुक्रबार राति आफै अनियन्त्रीत भइ पल्टिदा गौतम गम्भिर घाइते भएका थिए ।

उनको भरतपुर अस्पतालमा उपचारका क्रममा राति नै मृत्यु भएको प्रहरी प्रवक्ता प्रहरी नायव उपरिक्षक एकनारायण कोइरालाले बताए । उनको शव भरतपुर अस्पतालको शव गृहमा राखिएको छ ।