त्रिशुली नदीमा एक युवा बेपत्ता

चितवन । नुहाउने क्रममा एक युवा त्रिसुली नदीमा बेपत्ता भएका छन । पर्सा विरगञ्ज उपमहानगरपालिका ३२ का २१ वर्षीय विजय लामा नुहाउने क्रममा इच्छाकामना गाँउपालिका ४ धारापानी भन्ने स्थानबाट त्रिशुलीमा वेपत्ता भएका जिल्ला प्रहरी कार्यालय चितवनले जनाएको छ । 

उनि आज दिउँसो ३ बजे बेपत्ता भएको प्रहरी नायव उपरिक्षक एकनारायण कोइरालाले बताए । उनको प्रहरी निरीक्षकको कमाण्डमा ९ जनाको प्रहरी टोली खोजीकार्यमा जुटेको प्रहरीले जनाएको छ । 

बेपत्ता भएका लामा इच्छाकामना ४ मा विभिन्न निर्माण क्षेत्रमा मजदुरी गर्दै आएका थिए । अहिलेसम्म फेला नपरेको जनाइएको छ ।