Safal Khabar - पत्नीलाई आत्महत्या गर्न बाध्य पार्ने थुनामा
सोमबार, ०२ मङि्सर २०७६ (Monday, 18 November, 2019)
पत्नीलाई आत्महत्या गर्न बाध्य पार्ने थुनामा
शनिबार, २८ असार २०७६, ०७ : ५३
पत्नीलाई आत्महत्या गर्न बाध्य पार्ने थुनामा

काठमाडौँ । पत्नीलाई आत्महत्या गर्न बाध्य गरेको आरोपमा पतिलाई मकवानपुर जिल्ला अदालतले पुर्पक्षका लागि थुनामा राख्ने आदेश दिएको छ । अदालतले हेटौँडा उपमहानगरपालिका–३ का राजु थिङविरुद्ध उक्त आदेश जारी गरेको हो ।

उनले पत्नी सोनु थिङलाई आत्महत्या गर्न बाध्य पारेको आरोप छ । विगतमा आत्महत्याको घटनामा कसैलाई दोषी ठहर गरिँदैनथ्यो । मानसिक एवम् शारीरिक लगायतका विभिन्न तनाव दिइ आत्महत्या गर्न बाध्य पारेको भए पनि कोही कसैमाथि मुद्दा चलाउन पाइँदैनथ्यो ।

गत भदौ १ बाट कार्यान्वयनमा आएको नयाँ फौजदारी संहिताले आत्महत्या गर्न बाध्य पार्ने जोकोही पनि कारवाहीको भागिदार हुने कानुनी व्यवस्था गरेको छ । यो खबर आजको कान्तिपुर दैनिकमा प्रकाशित छ ।

Yeti Diistillery
nic asia

प्रतिक्रिया दिनुहोस