Safal Khabar - छबीराज ओझाबाट असुरक्षित भएको भन्दै शिल्पा पोखरेलले दिइन उजुरी
शुक्रबार, २९ कार्तिक २०७६ (Friday, 15 November, 2019)
छबीराज ओझाबाट असुरक्षित भएको भन्दै शिल्पा पोखरेलले दिइन उजुरी
बुधबार, २५ असार २०७६, १३ : ३२
छबीराज ओझाबाट असुरक्षित भएको भन्दै शिल्पा पोखरेलले दिइन उजुरी

काठमाडौं । अभिनेत्री शिल्पा पोखरेलले श्रीमान छबी ओझाविरुद्ध प्रहरीमा उजुरी दिएकी छन् । चलचित्र निर्माता छवि र अभिनेत्री शिल्पाबीच पछिल्लो समय खटपटको विषय बाहिरि रहेको थियो । अहिले छविले पोखरेललाई आपसी विवादको क्रममा हातपात गर्दा कानको जाली नै फुटेको बताइएको छ ।

श्रीमानले आफूलाई हातपात गर्दा कानको जाली नै फुट्न पुगेको भन्दै पोखरेलले मंगलबार प्रहरीमा शान्ति सुरक्षाको माग गर्दै उजुरी दर्ता गरेकी हुन् । महानगरीय प्रहरी परिसर काठमाडौंका प्रवक्ता डिएसपी होबिन्द्र बोगटीले उजुरी दर्ता भएपछि उनको उजुरीबारे बुझ्ने क्रम चलिरहेको र दुवै पक्षलाई छलफलका लागि बोलाइएको जानकारी दिए ।

हाल शिल्पा चलचित्र निर्माता तथा निर्देशक विकास रौनियारको घरमा रहेको बताइएको छ । यसबारे बुझ्न शिल्पालाई उनको नम्बरमा फोन गर्दा रौनियार पत्नी तथा निर्देशक सम्झना रौनियार उप्रेतीले फोन उठाइन् । उनले शिल्पाको कानको जाली फुटेको भन्दै बोल्न सक्ने अवस्था नरहेकाले आफूले फोन उठाएको बताइन् । चलचित्र क्षेत्रका जानकारहरुका अनुसार शिल्पाले विकास रौनियारलाई तिहारको टिका लगाएर दार्इ मान्दै आएकी छिन् । अहिले उनै दाइको घरमा शिल्पा संरक्षणमा रहेकी हुन् । यस विषयमा प्रतिक्रिया लिन निर्माता ओझालाई सम्पर्क गर्दा सम्पर्कमा आएनन् । 

लामो अफयेरपछि शिल्पा र ओझाबीच २०७३ सालमा गोप्यरुपमा बिबाह भएको थियो । लामो समय उनीहरुले आफ्नो बिबाहलाई लुकाए । तर, गत वर्ष मात्र निर्माता छविराज ओझाले आफूहरुले बिबाह गरिसकेको बताएका थिए । शिल्पासँग बिबाह गर्नुअघि छविराजका तीन जनासँग बिबाह भइसकेको थियो । शिल्पा चौथो श्रीमतीको रुपमा भित्रिएकी हुन् ।  रेखा थापा छविराजको तेस्रो श्रीमती थिइन् ।

शिल्पालाई चलचित्र क्षेत्रमा ओझाले नै भित्र्याएका थिए । म्युजिक भिडियोमा काम गरिरहेकी शिल्पालाई छविराजले चलचित्र ‘लज्जा’ मार्फत् यस क्षेत्रमा डेब्यु गराएका थिए ।

प्रतिक्रिया दिनुहोस