Safal Khabar - पाँच कक्षा नकट्दै प्रेममा पर्ने केटीको विषयमा ग्याङ फाइट, काठमाडौंमा एक जनाको मृत्यु
बिहिबार, ०५ असार २०७६ (Thursday, 20 June, 2019)
पाँच कक्षा नकट्दै प्रेममा पर्ने केटीको विषयमा ग्याङ फाइट, काठमाडौंमा एक जनाको मृत्यु
बिहिबार, ३० जेठ २०७६, १३ : ५५
पाँच कक्षा नकट्दै प्रेममा पर्ने केटीको विषयमा ग्याङ फाइट, काठमाडौंमा एक जनाको मृत्यु

काठमाडौं । त्यसै भनिएको होइन ‘हुलमुलमा जिउ जोगाउनु, अनिकालमा बीउ जोगाउनु’ । कराँते सिकेको, ब्ल्याक बेल्टवाला भनेर के गर्नु ? दुईपक्षीय हुलमुलमा पर्दा अघिल्लो साता एक युवकको अनाहकमा प्राणपखेरु उडेको छ । बाँकी साथीहरू नख्खु कारागारको चिसो सिँढीमा थन्क्याइएका छन् । 

प्रसंग हो, ललितपुर पुल्चोकको छुरी काण्डको । अहिलेका बच्चा उम्रन नपाई तीनपाते । ५ कक्षा पढ्दैदेखि ब्वाईफ्रेण्ड/गर्लफ्रेण्ड बनाउने र बर्सेनि फेर्ने । यस्तै जब्बर भएर निस्किइन् मनीषा शाक्य (नाम परिवर्तन) । 

मीनभवनस्थित क्यारिबिएन कलेजबाट प्लस टु सकाएर फुर्सदिलो रहेकी । तर, प्यारको मामलामा कमजोर उनी ५ कक्षा पढ्दादेखि नै चक्करमा परिन् । पहिलो प्रेमी रोजिन् अभिषेक शाही । यो प्रेम तीन वर्ष पनि टिकेन । मायाको डेरा सारिन् किसन तामाङतिर । जो सँगै पढ्थे । यता, आफ्नो प्रेयसी खोसेर लगेको प्रतिशोध थियो अभिषेकहरूलाई । मात्र थिए, प्रतिशोध साँध्ने समयको प्रतीक्षामा । साइत जु¥यो गत साता । हातपातै गर्नुपर्ने घटना भएको केही थिएन । प्रेमिका खोसेको हिसाब–किताब मात्र चुक्ता गर्नु थियो । अघिल्लो दिन उनैको समूहले किसनको बाइकको लुकिङ ग्लास फुटाइदियो । र, त्यही निहुँमा भोलिपल्ट हातपातको स्थिति आयो ।

आखिर सानै हुन्छ भmगडा र आगोको बीउ । यही विषयले यति उग्ररूप लियो कि ग्याङ फाइटकै स्थिति आयो । यही निहुँमा सेन्ट जेभियर्सअगाडि गल्लीमा अभिषेक र किसनको हानाहान भयो । यही घानमा मिसिन आएका थिए अनशल शाक्य जो कराँतेको ब्ल्याक बेल्टवाला, साथी हुन् अभिषेकको । उनले कराँतेको काँटा देखाउँदै थिए । तर, कृष्ण तामाङहरूले अगाडि र पछाडिबाट छुरा धसे । अगाडिबाट हानेको छुरी मुटुको छेउबाट र पछाडिबाट हानेको छुरा ढाडबाट छि¥यो । ऐøया आत्थो भन्न नपाई प्राणपखेरु उड्यो । यसरी छुरी हान्ने ग्याङचाहिँ टेकुको थियो । छुरी खाएर ज्यान जाने अनशल मंगलबजारका हुन् । यही प्रकरणमा परी आइतबार कर्तव्य ज्यान मुद्दाअन्तर्गत  नख्खु जेल चलान भएका छन् । - जनआस्थाबाट साप्ताहिक

प्रतिक्रिया दिनुहोस