Safal Khabar - मध्यरातमा वडा कार्यालयमा बम बिस्फोट, महानगर प्रमुखले गरिन् घटनाको निन्दा
शुक्रबार, ०८ चैत २०७५ (Friday, 22 March, 2019)
मध्यरातमा वडा कार्यालयमा बम बिस्फोट, महानगर प्रमुखले गरिन् घटनाको निन्दा
सफल खबर संवाददाता
बुधबार, २९ फागुन २०७५, ०७ : २४
मध्यरातमा वडा कार्यालयमा बम बिस्फोट, महानगर प्रमुखले गरिन् घटनाको निन्दा

चितवन । भरतपुर महानगरपालिका वडा नम्बर पाँचको कार्यालय भवनमा मध्यराति अज्ञात समूहले बम बिस्फोट गराएका छन् । महानगर प्रमुख रेनु दाहालले घटनाको निन्दा गर्नु भएको छ ।

जिल्ला प्रहरी कार्यालय चितवनका अनुसार अज्ञात समूहले मध्यरातमा साढे १२ बजेतिर शक्तिशाली सिलिण्डर बम बिस्फोट गराएको पाइएको छ । बम बिस्फोटबाट कार्यालय भवन क्षतिग्रस्त बनेको छ । बिस्फोटपछि भवनमा आगो लागेको स्थानीयवासीले बताए । बिस्फोट र आगलागीको खबर पाएपछि महानगरको दमकल र सुरक्षाकर्मीले आगो निभाएका थिए । बिस्फोट कसले गराएको हो भन्ने अहिलेसम्म खुल्न सकेको छैन ।

भरतपुर महानगरपालिका प्रमुख रेनु दाहालले जुनसुकै समूहले वडा कार्यालयमा बम बिस्फोट गराएको भएपनि यो घटना निन्दनीय रहेको बताउनु भयो । जनतालाई सेवा प्रवाह गर्ने ठाउँ वडा कार्यालयमा बम बिस्फोट गराइनु निन्दनीय घटना हो, उहाँले भन्नुभयो । घटनाबाट के कति क्षति पुगेको छ भन्नेबारे जानकारी लिने काम भइरहेको उहाँले बताउनु भयो ।

प्रतिक्रिया दिनुहोस

Loading...