गृह मन्त्रालयको कार्यभार प्रधानमन्त्री शाहले आफैँ सम्हाल्ने

काठमाडौँ। गृह मन्त्रालयको जिम्मेवारी तत्कालका लागि प्रधानमन्त्री वालेन्द्र शाह (बालेन)ले नै सम्हाल्ने भएका छन्। गृहमन्त्री सुधन गुरुङले पदबाट राजीनामा दिएपछि उक्त मन्त्रालय प्रधानमन्त्रीको प्रत्यक्ष मातहतमा रहने व्यवस्था गरिएको हो।

प्रधानमन्त्रीको सचिवालयका अनुसार हालका लागि गृह मन्त्रालयको कार्य सञ्चालन प्रधानमन्त्री आफैँले गर्ने निर्णय गरिएको छ।

व्यवसायी दीपक भट्टसँग व्यावसायिक साझेदारी रहेको विवरण सार्वजनिक भएपछि गृहमन्त्री गुरुङ विवादमा परेका थिए। सोही विषयलाई लिएर उनले आफ्नो भूमिकामाथि निष्पक्ष छानबिन हुनुपर्ने माग गर्दै राजीनामा दिएका हुन्।