सभामुख अर्याल र पूर्वसभामुख घिमिरे-सापकोटा बीच सिंहदरबारमा छलफल

काठमाडौँ । सभामुख डोलप्रसाद (डीपी) अर्यालले पूर्वसभामुखहरूसँग संसदीय अभ्यास र संसद्को प्रभावकारी सञ्चालनका विषयमा छलफल गरेका छन्।

आइतबार सिंहदरबारस्थित सभामुखको कार्यकक्षमा भएको भेटमा देवराज घिमिरे र अग्निप्रसाद सापकोटा सहभागी भएका थिए।

भेटका क्रममा नेपालको संसदीय अभ्यास, विगतका अनुभवहरूको आदान-प्रदान, संघीय संसद्को सञ्चालन प्रभावकारिता तथा विधायन प्रक्रियाको सुदृढीकरणका विषयमा विचार विमर्श भएको सभामुखको सचिवालयले जनाएको छ।

छलफलमा संसद्लाई अझ व्यवस्थित र प्रभावकारी बनाउने विषयमा अनुभव आदान-प्रदान गरिएको उल्लेख गरिएको छ।