अर्थमन्त्री खनालद्वारा कूटनीतिक राहदानी फिर्ता

काठमाडौँ । अर्थमन्त्री रामेश्वर खनालले आफूलाई पदको हैसियतमा उपलब्ध गराइएको कूटनीतिक राहदानी (रातो पासपोर्ट) फिर्ता गरेका छन्।

मंगलबार उनले उक्त राहदानीको प्रयोजन समाप्त भएको उल्लेख गर्दै प्रशासन महाशाखामार्फत फिर्ता प्रक्रिया अघि बढाएका हुन्। यस सम्बन्धमा उनले पठाएको पत्रमा अर्थमन्त्रीको हैसियतमा प्रयोग गर्न दिइएको कूटनीतिक राहदानी अब आवश्यक नरहेको भन्दै परराष्ट्र मन्त्रालयअन्तर्गतको राहदानी विभागमा बुझाइदिन अनुरोध गरिएको उल्लेख छ।

खनालले पत्रमार्फत आफूहरू अहिले बिदाइको चरणमा रहेको पनि उल्लेख गरेका छन्।