सुनसरी-४ मा रास्वपाका साह निर्वाचित

सुनसरी । सुनसरी निर्वाचन क्षेत्र नम्बर ४ मा राष्ट्रिय स्वतन्त्र पार्टीका दीपककुमार साह प्रतिनिधिसभा सदस्यमा निर्वाचित भएका छन् ।

साहले ४२ हजार ७७१ मत प्राप्त गरेका छन् । दोस्रो स्थानमा रहेका नेपाली कांग्रेसका ज्ञानेन्द्रबहादुर कार्कीले १६ हजार ५८७ मत ल्याएका छन् । साह र कार्कीबीचको मतान्तर २६ हजार १८४ रहेको छ ।

नेकपा एमालेका जगदीशप्रसाद कुसियैतले ८ हजार ६३१ मत पाए । नेपाली कम्युनिस्ट पार्टीका मोहम्मद महफुज अन्सारीले ३ हजार ४३२ र श्रम संस्कृति पार्टीका विष्णु रानाले २ हजार ७६३ मत पाए । यो क्षेत्रबाट ८३ हजार ६४० मत खसेको निर्वाचन कार्यालयले जनाएको छ ।