भुमेको ४ वटा वडाको मत सार्वजनिक, प्रचण्डले एक हजार मतले लिड

रुकुम पुर्व । रुकुम पुर्व  मा भुमे गाउँपालिकाको ४ वटा वडाको मत गणना सकिएको छ । भुमेको १, २, ३ र ४ नम्बर वडाको  २ हजार ६३५ मत गणना गर्दा नेकपाका संयोजक एवं उम्मेदवार पुष्प कमल दाहाल प्रचण्डले १ हजार ४ सय १५ मत प्राप्त गरेका छन् । 

यस्तै नेकपा एमालेका उम्मेदवार लीलामणि गौतमले ४ सय ३१, नेपाली कांग्रेसका उम्मेदवार कुसुमदेवी थापाले ४ सय १७ मत प्राप्त गरेको मुख्य निर्वाचन अधिकृतको कार्यालयका मुख्य निर्वाचन अधिकृत शिव प्रसाद खनालले जानकारी दिएका छन् । 

उनका अनुसार राष्ट्रिय स्वतन्त्र पार्टिका उम्मेदवार लखन कुमार थापाले १ सय ७६, प्रगतिशील लोकतान्त्रिक पार्टिका उम्मेदवार सन्दिप पुनले ३५, राप्रपाका उम्मेदवार रोशन शाहले ७, नेसनल मंगल अर्गनाइजेसन पार्टिका उम्मेदवारले  ४५ मत प्राप्त गरेका छन् । जम्मा ८६ मत बदर भएको छ ।