अमेरिकाले समयमा भुक्तानी नदिँदा आर्थिक संकटमा संयुक्त राष्ट्रसंघ

काठमाडौँ । संयुक्त राष्ट्रसंघले अमेरिकाबाट अपेक्षित रकम नआउँदा आर्थिक संकटको सामना गरिरहेको छ ।

महासचिव एन्टोनियो गुटेरेसले सबै सदस्य राष्ट्रले समयमै शुल्क तिर्न नसके तथा संगठनका वित्तीय नियम सुधार नभएमा संयुक्त राष्ट्रसंघ गम्भीर आर्थिक संकटमा पर्न सक्ने चेतावनी दिएका छन् ।

संयुक्त राष्ट्रसंघका अधिकारीहरूका अनुसार, अमेरिकाले नियमित सञ्चालन बजेटका लागि करिब दुई अर्ब डलर तिर्न बाँकी छ, जसमा यस वर्षको लागि सात करोड ६७ लाख डलर पनि समावेश छ । साथै, शान्ति स्थापना कार्यका लागि छुट्टै बजेटमा पनि ठूलो रकम बाँकी छ ।अमेरिकी प्रतिनिधित्वको अनुसार आगामी केही हप्ताभित्र अमेरिकी प्रशासनले आफ्नो बाँकी रकमको आंशिक भुक्तानी गर्ने योजना बनाइरहेको छ ।

यस विषयमा महासचिव गुटेरेस र अमेरिकी अधिकारीहरूबीच निरन्तर सम्पर्क भइरहेको संयुक्त राष्ट्रसंघले जनाएको छ ।