जिप दुर्घटनामा चालकको मृत्यु, तीन जना घाइते

दाङ । सल्यानमा जिप दुर्घटना हुँदा चालकको मृत्यु भएको छ । घटनामा तीनजना घाइते भएका छन् ।

रुकुमपूर्वबाट तुलसीपुरतर्फ आइरहेको ग१ज ५६६१ नम्बरको जिप आज बिहान राप्ती राजमार्गअन्तर्गत अन्तर्गत सल्यानको कपुरकोट गाउँपालिका–३ चोरखोला नजिकै दुर्घटना भएको थियो ।

दुर्घटनामा चालक रुकुमपूर्वको सिस्ने गाउँपालिका–४ का ३४ वर्षीय विजय विकको मृत्यु भएको हो ।

दुर्घटनामा सिस्ने– ४ की ३८ वर्षीया ललिता केसी, सिस्ने– २ की २२ वर्षीया सुष्मी रोका र उनकी २ वर्षीया छोरी सफलता केसी घाइते भएका छन् । उनीहरुको राप्ती प्रादेशिक अस्पतालमा उपचार भइरहेको छ ।