एक सातामा सुनको मूल्य तोलामै बढ्यो ८ हजार ९०० रुपैयाँ

काठमाडौँ । एक सातामा सुनको मूल्य तोलामा ८ हजार ९०० रुपैयाँ बढेको छ ।

नेपाल सुनचाँदी व्यवसायी महासंघका अनुसार मंसिर ५ गते तोलामा २ लाख ४१ हजार ७०० रुपैयाँ कायम भएको छापावाल सुनको मूल्य शुक्रबार अर्थात् मंसिर १२ गते तोलामा २ लाख ५० हजार ६०० रुपैयाँ कायम भएको हो । यस्तै चाँदीको मूल्य पनि एक साताको अवधिमा २४५ रुपैयाँ बढेको छ । 

महासंघका अनुसार छापावाल सुनको मूल्य मंसिर ७ गते २ लाख ४४ हजार ६००, मंसिर ८ गते २ लाख ४२ हजार ७०० रुपैयाँ कायम भएको थियो । यस्तै मंसिर ९ गते २ लाख ४७ हजार ९०० र मंसिर १० र ११ गते २ लाख ४८ हजार ८०० रुपैयाँ  कायम भएको महासंघले जनाएको छ । 

यस्तै मंसिर ५ गते ३ हजार १०० रुपैयाँ कायम भएको चाँदीको मूल्य मंसिर १२ गते ३ हजार ३४५ रुपैयाँ कायम हुँदै सातामा २४५ रुपैयाँ बढेको महासंघको भनाइ छ । जसअनुसार अनुसार मंसिर ७ गते ३ हजार १३५, मंसिर ८ गते ३ हजार ११५, मंसिर ९ गते ३ हजार २००, मंसिर १० गते ३ हजार २२० र  मंसिर ११ गते ३ हजार २८० रुपैयाँ कायम भएको थियो ।