बलिउड अभिनेता धर्मेन्द्रको निधन

एजेन्सी । बलिउडका दिग्गज अभिनेता धर्मेन्द्रको सोमबार निधन भएको छ। यो जानकारी न्यूज एजेन्सी आईएनएसले सार्वजनिक गरेको हो।

समाचारअनुसार ८९ वर्षका धर्मेन्द्रले सोमबार दिउँसो करिब १ बजे आफ्नै घरमा अन्तिम श्वास लिए।

उनकाे अन्तिम संस्कार विले पार्लेस्थित श्मशानभूमिमा जारी छ, जहाँ अमिताभ बच्चन, आमिर खानसहित धेरै सेलिब्रिटीहरू पुगेका छन्।

धर्मेन्द्रको निधनपछि श्रद्धाञ्ली दिन बलिउडका हस्तीहरू अन्तिम संस्कारस्थलमा सहभागी भइरहेका छन् । संवाद लेखक तथा सलमान खानका पिता सलीम खान विले पार्ले श्मशानभूमि पुगेका छन्।

उता करण जोहर धर्मेन्द्रको निधनलाई एक युगको अन्त्य भनेका छन् । करण जोहरले धर्मेन्द्रको निधनको पुष्टि गर्दै श्रद्धाञ्जली दिएका छन्।

धर्मेन्द्र एक युगका विशिष्ट सुपरस्टार, मुख्यधारा सिनेमाका सच्चा हिरो, अविश्वसनीय रूपमा आकर्षक र रहस्यमयी उपस्थिति भएका कलाकार भनेर उनले चर्चा गरेका छन् ।

‘जोहरले लेखे, ’धर्मेन्द्र भारतीय सिनेमाका साँचिकै दिग्गज हुन् र इतिहासका पानाहरूमा उनकाे नाम सदैव चम्किरहनेछ। उनले धर्मेन्द्रलाई असल मान्छेका रूपमा सम्झिँदै भने कि उद्योगभित्र सबैले उनीप्रति अपार माया राख्थे’, उनले भनेका छन् ।

अहिले धर्मेन्द्रकी पत्नी एवम् अभिनेत्री हेमा मालिनी पनि अन्तिम संस्कारमा सहभागी हुन श्मशानभूमि पुगेकी छन्। अहिले अभिनेता आमिर खान पनि विले पार्ले श्मशान घाटमा पुगेका छन्।

अभिनेता अमिताभ बच्चन र उनका छोरा अभिषेक बच्चन दुवै अन्तिम संस्कारमा सहभागी भएका छन्। धर्मेन्द्रकी छोरी ईशा देओल विले पार्ले श्मशानभूमि पुगेकी छन्।