जेनजी आन्दोलनमा प्रहरीको बर्दी लगाउँदै लुटपाट र आगजनी गरेको आरोपमा तीन जना पक्राउ

काठमाडौँ । जेनजी आन्दोलनको क्रममा प्रहरीको बर्दी लगाउँदै लुटपाट र आगजनी गर्दै हिँड्ने तीन जनालाई प्रहरीले पक्राउ गरेको छ । 

सिन्धुपाल्चोक घर भएका १८ वर्षीय रिहान गुरुङ, नुवाकोट घर भएका १८ वर्षकै समीर श्रेष्ठ र रामेछाप घर भएका १७ वर्षीय दिवस बस्नेतलाई प्रहरी वृत्त बौद्धबाट खटिएको प्रहरीको टोलीले पक्राउ गरेको हो ।

आन्दोलनको क्रममा प्रहरीको बर्दी लुटेर लगाउँदै आगजनी र तोडफोड गरेको उनीहरूमाथि आरोप छ ।

 उनीहरूलाई सीसीटिभी फुटेजका आधारमा पहिचान गरेर गोकर्णेश्वरको तालिनचोकबाट बुधबार पक्राउ गरेको प्रहरीले जनाएको छ ।