निर्वाचन आयोगबाट दलीय छाया हटोस्: रास्वपा

काठमाडौँ। राष्ट्रिय स्वतन्त्र पार्टी (रास्वपा)ले निर्वाचन आयोगबाट दलीय छाया हट्नुपर्ने बताएको छ ।

मंगलबार प्रधानमन्त्री निवास बालुवाटारमा भएको सर्वदलीय बैठकमा रास्वपाका उपसभापति डा. स्वर्णिम वाग्लेले यस्तो बताएका हुन् ।

निर्वाचन आयोगका रहेका पात्रहरूले झुलाउने/अल्झाउने काम गर्न सक्ने र त्यसो भएमा अविश्वासको वातावरण सिर्जना गर्न सक्ने उनले बताए ।

सर्वदलीय बैठकमा पार्टीले राखेका विषयहरू डा. वाग्लेले सामाजिक सञ्जालमा समेत राखेका छन्। जहाँ उनले निर्वाचन आयोगबाट दलीय छाया हट्नुपर्ने उल्लेख गरेका छन् ।

आगामी दिनमा शासकीय वैधताको स्रोतको पुनर्ताजगीका लागि पार्टीका अपेक्षा हो भन्दै उनले भनेका छन्, ‘शान्ति–सुरक्षा र अमनचैन। भाद्र २३ को नरसंहार र भाद्र २४ को हिंसा-आगजनीबारे छानबिन।’

प्रहरी मनोबल उच्च राख्न साधन-स्रोतको परिचालन एवं आसन्न नेतृत्व चयनमा मेरिटोक्रेटिक निर्णय । रास्वपा विरुद्ध ११ महिना षडयन्त्र गर्ने निर्वाचन आयोगबाट दलीय छाया हट्नुपर्ने ।’ यी लगायत पाँच बुँदा डा. वाग्लेले सार्वजनिक गरेका हुन् ।