ह्वाइट हाउसमा ट्रम्पले बाले दियो, मनाए दिपावली

काठमाडौं । अमेरिकी राष्ट्रपति डोनाल्ड ट्रम्पले सोमबार दिपावली मनाइरहेका मानिसहरूलाई शुभकामना दिएका छन् । उनले यस पर्वलाई अन्धकारमाथि प्रकाश र खराबीमाथि भलाइको विजयको सम्झना गराउने बताएका छन् ।

ट्रम्पले आफ्नो सन्देशमा भने, “आज, म प्रकाशको पर्व दिपावली मनाइरहेका प्रत्येक अमेरिकीलाई मेरो शुभकामना पठाउँछु ।”

उनले दिपावली परिवार र साथीहरू एकसाथ आउन, समुदायको उत्सव मनाउन र आशाबाट शक्ति प्राप्त गर्ने बताए ।“लाखौँ नागरिकले दियो र लालटिन बाल्दा, हामी भलाइले सधैँ खराबीमाथि विजय प्राप्त गर्ने शाश्वत सत्यमा रमाउँछौँ,” उनले थपे ।

पर्व मनाउने सबैलाई शान्ति र समृद्धिको कामना गर्दै ट्रम्पले भने, “यो उत्सवले चिरस्थायी शान्ति, समृद्धि, आशा र अमनचैन ल्याओस् ।”

हिन्दूहरूको यो पर्वले अन्धकारमाथि प्रकाशको विजयको प्रतीकको रूपमा लिइन्छ । सोमबार लाखौँ भारतीयहरूले दिपावली मनाए, जसका कारण देशैभर घर र सडकहरूमा दियोहरू बलिरहेका थिए ।

यो अवसरमा ट्रम्पले भारतीय समुदायलाई दिपावलीको शुभकामना दिँदै प्रधानमन्त्री नरेन्द्र मोदीसँग भएको कुराकानीबारे  पनि उल्लेख गरे