रास्वपाले बोलायो सचिवालय र केन्द्रीय समिति बैठक

काठमाडौँ । राष्ट्रिय स्वतन्त्र पार्टी(रास्वपा)ले सचिवालयको बैठक बोलाएको छ ।

जेनजी पुस्ताले सोमबार काठमाडौँ लगायत देशभर गरेको प्रदर्शन हिंसात्मक भएपछि आगामी योजना बनाउन बैठक बोलाएको महामन्त्री कवीन्द्र बुर्लाकोटीले जानकारी दिए । 

जेनजी पुस्ताले स्वतःस्फूर्त गरेको आन्दोलनमा आफूहरूको ऐक्यबद्धता रहने तर अहिले नै सडकमा गएर नेतृत्व लिने पक्षमा नरहेको उनले बताए । 

‘भ्रष्टाचार र बेथिति विरुद्ध जेनजी युवाहरूको स्वतःस्फूर्त आन्दोलन हो । यस आन्दोलनमा हाम्रो ऐक्यबद्धता रहन्छ । राजनीति पार्टी भएकाले हामी अहिले नै नेतृत्व गर्ने पक्षमा छैनौँ । आगामी दिनमा कसरी जाने भन्ने विषयमा हामी छलफल गर्छौँ’, उनले भने 

सचिवालय बैठक लगत्तै रास्वपाले दिउँसो १ बजे केन्द्रीय समिति बैठक बोलाएको छ ।