भूमि विधेयक ल्याएर सरकारले सङ्घीयतामाथि प्रहार गर्‍यो : अध्यक्ष यादव

काठमाडौँ । जनता समाज पार्टीमा अध्यक्ष उपेन्द्र यादवले भूमिसम्बन्धी केही नेपाल ऐनलाई संशोधन गर्ने विधेयक संविधान विपरीत रहेको बताएका छन् । आइतबार कृषि, सहकारी तथा प्राकृतिक स्रोत समितिको बैठकमा उनले यस्तो दाबी गरेका हुन् ।

संविधानले वन तथा जग्गाजमिनको विषय सङ्घ, प्रदेश र स्थानीय तहको संयुक्त अधिकारको विषय रहेको भन्दै यो ऐन संशोधन गर्दा सम्बन्धित सरकारसँग परामर्श गर्नुपर्ने बताए । यसो नगरी ऐन संशोधन गर्नु सङ्घीयताको मूल भावना प्रतिकूल हुने बताए । 

यो विषयमा सर्वोच्च अदालतले समेत पटक पटक नजिर स्थापित भएको भन्दै ऐन पारित भए पनि अदालतमा पुग्यो भने यो बदर हुने उनको दाबी छ।