सरकारले आफ्नो औचित्य गुमाउँदै गयो: शक्ति बस्नेत

काठमाडौँ । नेकपा माओवादी केन्द्रका नेता शक्ति बस्नेतले वर्तमान सरकारले आफ्नो औचित्य गुमाउँदै गएको बताएका छन् ।

आइतबार संसद भवन नयाँ बानेश्वरमा सञ्चारकर्मीसँग कुरा गर्दै बस्नेतले संविधान संशोधन, सुशासन, विकास निर्माण लगायत सबैमा सरकारले ध्यान दिन नसकेको भन्दै सरकारले आफ्नो औचित्य गुमाउँदै गएको बताएका हुन् ।

वर्तमान सरकार जनताप्रति उत्तरदायी र आफ्नो कामकारवाही प्रति जबाफदेही समेत नदेखिएको उनले बताए । बस्नेतले वर्तमान सरकार सुशासनका लागि नभई अनियमितताको ढाकछोप गर्नका लागि बनेकाले मन्त्रीहरूको विभिन्न प्रकरण आउनु नौलो कुरा नभएको तर्क गरे ।

उनले सुशासनका विषयमा सरकारबाट अपेक्षा गर्नु मूर्खता हुनेजस्तो देखिएको समेत बताए ।