दुईवटा समितिको बैठक बस्ने बस्दै

काठमाडौँ । आइतबार दुईवटा संसदीय समितिको बैठक बस्दैछन् । संघीय संसद सचिवालयका अनुसार सार्वजनिक नीति तथा प्रत्यायोजित विधायक समिति र संघीयता सवलीकरण तथा राष्ट्रिय सरोकार समितिको बैठक बस्न लागेको हो । 

प्रत्यायोजित समितिको बैठक सिंहदरबारमा बिहान साढे ११ बजे सुरु हुनेछ ।  उक्त बैठकमा असार २४ गते भोटेकोशी नदीमा आएको बाढी र विपद् व्यवस्थापन, मन्त्रालयसँग सम्बन्धित आर्थिक वर्ष २०८१÷०८२ को नीति तथा कार्यक्रम तथा बजेट वक्तव्यमा व्यक्त सरकारी आश्वासनहरु र विविध विषयमा छलफल हुनेगरी एजेण्डा तय गरिएको छ । 

यस्तै साढे ११ बजे बस्ने सरोकार समितिको बैठकमा वित्तीय संघीयता कार्यान्वयनको सन्दर्भमा राष्ट्रिय प्राकृतिक स्रोत तथा वित्त आयोगबाट भएका कामकारवाही, आयोगका सिफारिस र सोको कार्यान्वयनको अवस्था सम्बन्धमा छलफल हुनेगरी एजेण्डा तय गरिएको छ ।