श्रीलंकाविरुद्ध पनि कप्तान सावित्राको ह्याट्रिक

काठमाडौँ । एएफसी एसियन कप छनोट अन्तर्गत श्रीलंकाविरुद्ध पनि नेपालकी कप्तान सावित्रा भण्डारी ‘साम्बा’ले ह्याट्रिक पुरा गरेकी छन् । 

पहिलो खेलमा लाओसविरुद्ध एक्लैले ५ गोल गरेकी सावित्राले श्रीलंकाविरुद्ध पहिलो हाफमै ह्याट्रिक पुरा गरेकी हुन् ।

उनले पहिलो हाफको इन्जुरी समयमा गोल गर्दै ह्याट्रिक पूरा गरेकी हुन् । यसअघि उनले २०औँ मिनेटमा पहिलो र ४२औँ मिनेटमा दोस्रो गोल गरेकी थिइन् । श्रीलंकाविरुद्ध नेपालका लागि गीता रानाले ७औँ मिनेटमा पहिलो गोल गरेकी थिइन् । पहिलो हाफमा नेपालले ४ गोलको अग्रता लिएको छ ।