सामाजिक सञ्जालमा सक्रिय रहेका सदस्यहरुको लागि दुई दिवसीय प्रशिक्षण गर्दै जसपा नेपाल

काठमाडौ । जनता समाजवादी पार्टी (जसपा) नेपालले सामाजिक सञ्जालमा सक्रिय रहेका सदस्यहरुको  लागि दुई दिवसीय (आवासीय) प्रशिक्षण गर्ने भएको छ ।

सामाजिक सञ्जालहरुको प्रयोग र परिचालनलाई प्रभावकारी ढंगले व्यवस्थित गर्न तथा सूचना सञ्चार एवं प्रचार प्रसारको संयन्त्रलाई अझ बलियो बनाउन सामाजिक सञ्जाल प्रयोगकर्ताहरुलाई असार १६ र १७ गते जनकपुरधाममा प्रशिक्षण दिन लागिएको पार्टीका प्रचार विभाग प्रमुख पूर्ण बस्नेतले जानकारी दिएका छन् ।

सामाजिक सञ्जाललाई लक्षीत गरी पार्टीको केन्द्रीय आइटी सेल निर्माण गरी सञ्चालन गर्न प्रत्येक जिल्लाहरुबाट आइटी सेलमा आबद्ध भएर सामाजिक सञ्जालमा सक्रिय रहेका सदस्यहरुलाई पार्टी अध्यक्ष उपेन्द्र यादवलगायतका नेताहरुले प्रशिक्षण दिने प्रमुख बस्नेतले बताए ।