प्रचण्डद्वारा मुस्ताङमा पार्टी कार्यालय भवन शिलान्यास

मुस्ताङ । मुस्ताङ भ्रमणमा रहेका माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डले मुस्ताङमा पार्टी कार्यालय भवनको शिलान्यास गरेका छन्।

बिहीबार बिहान सदरमुकाम जोमसोममा उनले नेकपा माओवादी केन्द्र मुस्ताङको जिल्ला पार्टी कार्यालय भवनकाे शिलान्यास गरेका हुन्। 

त्यसक्रममा आयोजित कार्यक्रमलाई सम्बोधन गर्दै अध्यक्ष प्रचण्डले आफ्नै पार्टी कार्यालय निर्माण भएपछि जिल्ला पार्टीले जनताको पक्षमा थप ऊर्जा र उत्साहका साथ काम गर्न सक्ने विश्वास व्यक्त गरे। 

प्रचण्डसहितका माओवादी नेता बुधबारदेखि मुस्ताङ भ्रमणमा छन्।