मोटरसाइकल दुर्घटनामा युवकको मृत्यु

रौतहट । सर्लाही बरहथवा नगरपालिका १७ वडा कार्यालय नजिकै कटानीबाट कडरिया टोल तर्फ जाँदै गरेको ना.४६ प.२८२० नम्बरको मोटरसाइकल आज बिहान पौने ३ बजे अनियन्त्रित भई पुलको दाहिने साईडमा ३ मिटर तल खस्न जाँदा चालकको मृत्यु भएको छ।

मृत्यु हुनेमा मोटरसाइकल चालक  मलंगवा नगरपालिका ४ बस्ने वर्ष ३५ का घनश्याम राय रहेको जिल्ला प्रहरी कार्यालय सर्लाहीका प्रवक्ता डीएसपी सरोज कुमार राईले बताएका छन्।

दुर्घटनामा परी चालक रायको टाउको,निधार र दुबै आँखामाथि गहिरो चोट लागि बरहथवा स्थित एक निजी अस्पतालमा उपचार भइरहेको थियो।

घाइतेको अवस्था गम्भीर भएपछि थप उपचारको लागि एलएस न्युरो अस्पताल बारामा लगेकोमा उपचारको क्रममा बिहान ६ बजे  चालक रायलाई मृत घोषणा गरिएको थियो । 

दुर्घटनामा परेको मोटरसाइकल इलाका प्रहरी कार्यालय मुर्तियाको नियन्त्रणमा रहेको तथा घटना सम्बन्धी अनुसन्धान भइरहेको सर्लाही प्रहरीले जनाएको छ।