आइपीएल : सनराइजर्ससँग ४२ रनले हार्‍यो आरसीबी

एजेन्सी । इन्डियन प्रिमियर लिग (आइपीएल) क्रिकेट अन्तर्गत सनराइजर्स हैदरावादले रोयल च्यालेन्जर्स बैंगलुरु(आरसीबी)लाई पराजित गरेको छ। गएराति सम्पन्न खेलमा सनराइजर्सले बैंगलुरुलाई ४२ रनले पराजित गरेको हो। ​

सनराइजर्सले दिएको २३२ रनको लक्ष्य पछाएको बैंगलुरु १९ दशलमव ५ ओभरमा १८९ रन मात्रै बनाउन सक्यो । बैंगलुरुका लागि फिल साल्टले सर्वाधिक ६२ रन बनाए भने विराट कोहलीले ४३ रनको योगदान गरे । 

सनराइजर्सका बलर प्याट कमिन्सले ३ विकेट लिए भने इशान मालिंगाले २ विकेट झारे ।  यसअघि पहिला ब्याटिङ गरेको सनराइजर्सले २० ओभरमा ६ विकेट गुमाउदै २३१ रन बनाएको थियो।​ 

सनराइजर्सका लागि इशान किशनले सर्वाधिक ९४ रन बनाएका थिए भने अभिषेक शर्माले ३४ रन बनाएका थिए । प्लेअफको दौडबाट बाहिरिएको सनराइजर्सको १३ खेलमा ११ अंक भएको छ भने आठौं स्थानमा रहेको छ । हारपछि रोयल च्यालेन्जर्स बैंगलुरु भने तेस्रो स्थानमा झरेको छ । बैंगलुरुको १३ खेलमा १७ अंक रहेको छ।