सामान्य झगडामा श्रीमतीको हत्या, श्रीमान् पक्राउ

झापा। धारिलो हतियार घाँटीमा प्रहार गरी श्रीमतीको हत्या गरेको अभियोगमा झापाको कनकाई नगरपालिका– २ सुकेडाका ३५ वर्षीय कविराज हेमरन पक्राउ परेका छन् ।

३४ वर्षीया श्रीमती पूजा हेमरनलाई खुकुरी प्रहार गरी हत्या गरेको अभियोगमा कविराजलाई गएराति पक्राउ गरिएको जिल्ला प्रहरी कार्यालयका प्रहरी नायब उपरीक्षक खगेन्द्रबहादुर खड्काले जानकारी दिए ।

'दुई जनाबीच झगडा भएपछि श्रीमतीको हत्या गरी कविराज फरार भएका थिए । उनलाई सुरुङ्गा क्षेत्रबाट नियन्त्रणमा लिइएको हो,' उनले भने । घटनाबारे इलाका प्रहरी कार्यालय अनारमनीको टोलीले थप अनुसन्धान गरिरहेको प्रहरीले जनाएको छ ।