जुवातास खेलिरहेको अवस्थामा १४ जना पक्राउ

भक्तपुर । मध्यपुर थिमी नगरपालिका-४ एसएस चोक बस्ने ४४ वर्षीय राजेन्द्र श्रेष्ठको घरमा जुवातास खेलिरहेको अवस्थामा राजेन्द्र समेत ९ जनालाई प्रहरीले पक्राउ गरेको छ । प्रहरी वृत्त थिमीबाट खटिएको प्रहरीले उनीहरूलाई नगद १ लाख २३ हजार ७ सय ५० रुपैयाँ र ६ बुक ताससहित सोमबार दिउँसो पक्राउ गरेको हो ।

यसैगरी भक्तपुरका चाँगुनारायण नगरपालिका-७ हेल्मेटडाँडा बस्ने ५८ वर्षीय कृष्णराम छुस्या बागको घरमा जुवातास खेलिरहेको अवस्थामा कृष्णराम समेत ५ जनालाई प्रहरीले पक्राउ गरेको छ । प्रहरी प्रभाग खरिपाटीबाट खटिएको प्रहरीले उनीहरूलाई नगद ३४ हजार ९ सय ५० रुपैयाँ र ३ बुक ताससहित सोमबार दिउँसो पक्राउ गरेको हो ।
हाल पक्राउ परेकाहरूलाई आवश्यक कारबाही तथा अनुसन्धान गरिरहेको नेपाल प्रहरी जनाएको छ ।