पहिरोले अवरुद्ध सिद्धार्थ राजमार्ग एकतर्फी सञ्चालन

पाल्पा । पहिरोको कारण अवरुद्ध भएको सिद्धार्थ राजमार्ग एकतर्फी सञ्चालनमा आएको छ । बिहान ४ बजेतिर खसेको पहिरो पन्छाएपछि राजमार्ग एकतर्फी रुपमा खुलको हो ।

पहिरो खसेका कारण र कल्भर्टमा टिप्पर फसेका कारण सडक अवरुद्ध भएको दोभान प्रहरीले जनाएको छ । एकतर्फी सडक खुलेपछि दुवैतर्फका यातायात सुचारु भएका छन् ।

पहिरोले बुटवलबाट आउँदै गरेको लुम्बिनी प्रदेश ज ०२७६ नं। को कार पुर्दा पुर्ण रुपमा क्षती पुगेको प्रहरीले जनाएको छ । कारका यात्रु र चालक भने सकुशल छन् । उनीहरुलाई सामान्य अवस्थाबाट उद्दार गरिएको थियो ।

गुडिरहेको कारलाई माथिल्लो भागबाट खसेको पहिरोले पुरेको थियो । यस राजमार्गमा पाल्पालगायत गुल्मी, अर्घाखाँची, स्याङ्जा, पोखरा, पर्वत, बाग्लुङ, म्याग्दी, मुस्ताङ्लगायतका यात्रुहरुले यात्रा गर्ने गर्दछन् । यस क्षेत्रमा वर्षा र हिउँद जुनसुकै बेला पहिरो खस्ने समस्या छ ।