नेकपा एसकाे केन्द्रिय नेताहरूकाे कार्यबिभाजन आज हुने

काठमाडौं । नेकपा एकीकृत समाजवादीको स्थायी कमिटीको बैठक आज सकिने भएको छ ।

माधवकुमार नेपाल नेतृत्वको नेकपा एसको २६ मंसीर देखी जारी बैठकमा धारणा राख्ने र जबाफ दिने क्रम सकिए पनि नेताहरूको कार्यबिभाजन बाँकी रहेकाले बैठक लम्बिएकाे हाे । 

आजको बैठकमा आजको बैठकमा पदाधिकारी तथा केन्द्रीय सदस्यको कार्यविभाजन गरिने महासचिव घनश्याम भुषालले जानकारी दिए । उनका अनुसार हिजाेकाे बैठकमा  नेकपा एसको ‘आन्दोलनद्वारा पार्टी निर्माण गरिने’ भन्ने कार्ययोजना पारित गरेकाे थियाे ।

केन्द्रिय कार्यालय आलोकनगरमा सोमबार बसेको स्थायी कमिटिको बैठकले अन्य कुनै पनि कम्युनिष्ट पार्टीसँग एकताको कुनै सम्भावना नभएको निष्कर्ष निकालेको नेता जगन्नाथ खतिवडाले जानकारी दिए ।