बेलायतको राष्ट्रिय कर्जा आगामी ५० वर्षमा तेब्बर हुने

लन्डन । बेलायतको राष्ट्रिय कर्जा आउँदो ५० वर्षमा तेब्बर हुने प्रक्षेपण गरिएको छ । बेलायत सरकारका आधिकारिक प्रक्षेपणकर्ताहरूले यस्तो बताएका हुन् । वृद्ध जनसङ्ख्याको अनुपातमा हुने वृद्धि, जलवायु परिवर्तन र बढ्दो भू–राजनीतिक तनाव लगायत समस्याको दबाबले गर्दा राष्ट्रिय कर्जा बढ्ने भनिएको छ ।

अतिरिक्त राजस्व बढेन वा उत्पादन स्तर युद्धपूर्वको स्थितिमा फर्किएन भने सरकारी खर्च लामो समयसम्म दिगो नहुने भनिएको छ । यतिबेला बेलायतले सन् १९६० को दशकयताकै उच्च कर्जा उठाइरहेको छ ।

कर पनि सन् १९४० को दशकयताकै उच्च छ तर कर्जा भने जीडीपीको झन्डै तीन गुणा बन्ने बाटोमा रहेको अर्थ मन्त्रालयका मुख्य सचिव ड्यारेन जोन्सले भनेका छन् । अहिले बेलायतको घरेलु कर्जा जीडीपीको झन्डै सय प्रतिशत छ ।