पूर्वप्रधानमन्त्री प्रचण्डद्वारा नेपालगञ्ज रंगशालाको अवलोकन

नेपालगञ्ज । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेपालगञ्ज रंगशालाको अवलोकन गरेका छन् ।

आइतबार (आज) बिहान उनले रंगशाला अवलोकन गरेका हुन । अवलोकन पश्चात् पूर्वप्रधानमन्त्री प्रचण्डले नेपालगञ्ज रंगशाला पश्चिम नेपालको खेलकुद क्षेत्रको विकासका लागि महत्त्वपूर्ण हुने बताए । प्रचण्डले शनिवार सुर्खेतस्थित कर्णाली प्रदेश रंगशालाको अवलोकन गरेका थिए ।

यही वर्ष कर्णालीमा दशौं राष्ट्रिय खेलकुद हुने भएकाले नजिकको नेपालगञ्जका खेल पूर्वाधारहरू पनि आवश्यक पर्ने उल्लेख गर्दै प्रचण्डले नेपालगञ्ज रंगशालाको उपयोग गरेर फाइदा लिनुपर्ने बताए । खेलकुद व्यक्तिको स्वास्थ्य र देशको गौरवसँग जोडिएको उनको भनाइ छ । रंगशालामा स्वागत गर्ने पूर्वखेलकुदमन्त्री महेश्वर गहतराज ‘अथक’, खेल पदाधिकारी तथा खेलाडी भाइबहिनीहरूलाई उनले धन्यवाद दिए ।