कञ्चनपुर । कञ्चनपुरमा १३ वर्षीया बालिका निर्मला पन्तको बलात्कार र हत्याको घटनाका दोषी पत्ता लगाउन माग गर्दै मंगलबार आह्वान गरिएको बन्दका कारण जनजीवन प्रभावित बनेको छ ।
पन्तको हत्यारालाई पत्ता लगाउन माग गर्दै बिहान ७ बजेदेखि साँझ ७ बजेसम्म बन्द आह्वान गरिएको नेपाल विद्यार्थी संघले जनाएको छ । बन्दका कारण बजार, शैक्षिक संस्था, कलकारखाना, उद्योग, यातायात पनि ठप्प छ ।
संघले बन्दको अवज्ञा गरेको आरोपमा जिल्ला सरकारी वकिल कार्यालय, कञ्चनपुरको गाडीमा पनि तोडफोड गरेको छ ।
बन्दकर्ताले बा २ झ २७१५ नम्बरको कार्यालयको गाडी तोडफोड गरेको जिल्ला प्रहरी कार्यालय, कञ्चनपुरले जानकारी दएको छ ।
उनीहरूले सगरमाथा टेलिभिजनका पत्रकार चन्द्रप्रकाश जोशीलाई कुटपिट गरेको बताइएको छ । उनीहरूले स्थानीय एसटीएस टेलिभिजनको क्यामेरा समेत फुटाएका छन् ।
प्रतिक्रिया दिनुहोस
सफल खबर संवाददाता
मंगलबार, १६ असोज २०७५, १५ : १९
लेखकबाट थप