बेलायतमा आज मतदान हुँदै

काठमाडौं। बेलायतमा आज आम चुनाव  हुँदैछ । चुनावमा स्थानीय समयअनुसार बिहान ७ बजेदेखि राति १० बजेसम्म मतदान केन्द्रमा मतदान हुने बीबीसीले जनाएको छ ।आज हुने चुनावमा प्रधानमन्त्री ऋषि सुनकको कन्जरभेटिभ पार्टी र विपक्षी लेबर पार्टीबीच मुख्य प्रतिस्पर्धा हुने अनुमान गरिएको छ ।

चुनावअघि गरिएको सर्वेक्षणमा लेबर पार्टीले बहुमत ल्याउने दाबी गरिएको थियो ।प्रधानमन्त्री सुनकले गएको मे २२ मा जुलाई ४ लाई आम चुनाव हुने घोषणा गरेका थिए । त्यसको आठ दिनपछि मे ३० मा संसद् विघटन गरिएको थियो । 

बेलायतमा विगत १४ वर्षदेखि कन्जरभेटिभ पार्टीले नेतृत्व गरिरहेको छ ।मतदान सकिएलगत्तै मतगणना हुनेछ । शुक्रबार बिहानसम्म अधिंकाश मतपरिणाम सार्वजनिक हुने आपेक्षा गरिएको छ ।