बागमती प्रदेश : कांग्रेसद्वारा ह्विप जारी

हेटौँडा । नेपाली कांग्रेस बागमती प्रदेश संसदीय दलले पार्टीका सांसदहरूलाई प्रदेशसभा बैठकमा अनिवार्य उपस्थित हुन ह्विप जारी गरेको छ ।बिहीबारको प्रदेशसभामा कांग्रेस सांसदहरूलाई अनिवार्य उपस्थित हुन संसदीय दलको बैठकले ह्विप जारी गरेको हो ।

जसअनुसार सांसदहरूलाई बजेटको विपक्षमा उभिन निर्देशन दिइएको छ ।संसदीय दलको बैठकले बजेट असन्तुलित र त्रुटिपूर्ण भएकाले स्वीकार गर्न नसकिने निष्कर्ष निकालेको संसदीय दलका प्रमुख सचेतक गोविन्द लम्सालले जानकारी दिए ।

प्रदेशसभाको बिहीबारको बैठकमा प्रदेश सरकारको विनियोजन विधेयकमाथिको छलफलका क्रममा उठेका प्रश्नको विषयगत मन्त्रालयका मन्त्रीहरूले जवाफ दिने र त्यसपछि पारित गर्ने कार्यसूची रहेको छ ।