नेकपा एसको सचिवालय बैठक बस्दै

काठमाडौँ । नेकपा (एकीकृत समाजवादी) को आज सचिवालय बैठक बस्ने भएको छ । पार्टी अध्यक्ष माधव नेपालले सचिवालय बैठक आह्वान गरेका हुन्। दिउँसो साढे १२ बजे बस्ने बैठकमा महाधिवेशनको तयारी लगायत समसामयिक विषयमा छलफल हुनेछ ।

सचिवालय बैठकले सम्भवतः आजै मधेस प्रदेशका मन्त्रीहरू फिर्ता बोलाउनेछ । मधेसका मुख्यमन्त्री सरोज यादव अल्पमतमा परेपछि त्यहाँ नयाँ सरकार गठनको तयारी छ । नयाँ सरकार जनमत पार्टीको नेतृत्वमा गठन गर्ने सत्तारुढ दलको तयारी छ । मुख्यमन्त्री यादवले बुधबार विश्वासको मत लिँदैछन् ।

त्यसअघि नै एमाले, माओवादी, जसपा, जनमत लगायतका दलले नयाँ सरकार गठनका लागि प्रदेश प्रमुखको ध्यानाकर्षण गराउने तयारी गरेका छन् । त्यसका लागि एकीकृत समाजवादीलाई सरकारबाट फिर्ता हुन एमाले माओवादीले आग्रह गरिरहेका छन् ।