काठमाडौं । राष्ट्रिय स्वतन्त्र पार्टीका सभापति रवि लामिछाने अहिले चुनावी प्रचार प्रसारका लागि इलाममा छन् । पार्टीका उम्मेदवार मिलन लिम्बुको चुनावी सभामा लामिछाने लगायत नेताहरूले सम्बोधन गरिरहेका छन् ।
इलाम गजुरमुखी धाममा भएको सभालाई सम्बोधन गर्दै उनले रक्सी र मासुमा भोट खेर नफाल्न आग्रह गरेका छन् । आफ्नो पार्टीसँग इमानदार उम्मेदवार बाहेक अरू केही नभएको उनले ठट्टा गर्दै भने, ‘हाम्रो त पानी खुवाउने पैसा पनि छैन । रक्सी, मासु त कसरी बाँड्नु ।’
खासमा उनले चुनावको समयमा उम्मेदवारहरूले जनतालाई विभिन्न प्रलोभन देखाएर मत माग्ने गर्छन् भन्ने सन्दर्भमा व्यङ्ग्य गरेका थिए । जनताले सोचेजस्तो उम्मेदवार नभए नेता फेर्न सकिने उल्लेख गर्दै उनले भने, ‘हामीले सोचेजस्तो उहाँले भनेजस्तो नेता राम्रो भएन भने फेर्न सकिन्छ । मिलन लिम्बुले राम्रो काम गरेन भने अर्को लिम्बु आउँछ । लामिछानेले गर्न सकेन भने अर्को आउँछ । तपाईँ त शक्तिशाली जनता हो । के ऋण खानु भएको छ र मेरो ? के ऋण खानुभएको छ र मिलन लिम्बुको ? अरूको खाच्चखुच्च खानुभयो होला । हाम्रो त खुवाउनै सक्दैनौँ खुवाउँदैनौँ पनि,यी पानी खुवाउने पैसा छैन हाम्रो त ।
उनले अगाडि भने, ‘हामीसँग इमानदार उम्मेदवार छन् त्यति भए पुग्छ,हामी देश बनाउन सक्छौँ । अरू पैसा बाँड्ने रक्सी बाँड्ने मासु बाँड्ने हामीले सक्दैनौँ । बरु तपाईँको छ भने दिनु न बरु हामी त खाजा खाएर जान्छौँ । याँ पार्टी चलाउने पैसा नभएर साथीहरूलाई हारगुहार गरेर बसेका छौँ । होटलको पैसा कसले तिर्ला भनेर बस्नुपरेको छ । हामीसँग इमान छ आँट छ साहस छ हिम्मत छ । यो देश सतीले सरापेको देश होइन केही जुकाहरूले चुसेको देश हो । जुकाहरू फाले बन्छ । यो जनताले बुझ्ने कुरा हो ।’
प्रतिक्रिया दिनुहोस
सफल खबर संवाददाता
शनिबार, ०८ बैशाख २०८१, ११ : ५२
लेखकबाट थप
सम्बन्धित समाचारहरु
अब पहुँचको भरमा माफी मिनाहा हुँदैन : गृहमन्त्री लामिछाने
विपद् नियन्त्रणमा सक्रिय हुन सिडिओहरूलाई गृहमन्त्रीको निर्देशन
दुईचार सय नागरिकलाई खाना खुवाउन नसक्ने सरकार छैन : गृहमन्त्री लामिछाने
बरु पार्टीको सटर बन्द गर्न तयार छु, चन्दा लिँदैनौं : रवि लामिछाने
रास्वपालाई सिध्याउने षड्यन्त्र भइरहेको छ : रवि लामिछाने
सत्ता समीकरणमा कुनै समस्या छैन : गृहमन्त्री लामिछाने