काठमाडौँ । व्यवसायी दुर्गा प्रसाईंले लिएको हतियारको विवरणहरू प्राप्त नभएपछि गृह मन्त्रालय रनभुल्लमा परेको छ ।५ चैतमा प्रसाईँका सुरक्षा गार्ड अत्याधुनिक हतियारसहित सर्वोच्च अदालतको गेट अगाडिबाट पक्राउ परेपछि छानबिन गर्न मन्त्रालयले समिति गठन गरेको थियो ।
तर समितिले प्रसाईँका सुरक्षा गार्डसँग पाइएको हतियार आयात अनुमतिबारे वाणिज्य, आपूर्ति तथा उपभोक्ता संरक्षण विभागसँग मागेको कागजात प्राप्त नभएपछि समितिको म्याद नै १० दिन थपिएको छ ।गृह मन्त्रालयका सूचना अधिकारी एकदेव अधिकारीले समितिले थप बुझ्नु पर्ने देखिएकाले १० दिन म्याद थपिएको जानकारी दिए।
सह–सचिव राजेन्द्रदेव पाण्डे नेतृत्वको चार सदस्यीय समितिमा मन्त्रालयका उपसचिव ऋषि पौडेल, अधिकारी र नेपाल प्रहरीका एसपी सन्तोष भट्टराई सदस्य छन् ।प्रसाईंले जिल्ला प्रशासन कार्यालय, झापाबाट हतियारको लाइसेन्स लिएको दाबी गर्दै आएका छन् । तर, उनको भनिएको हतियारको आयात इजाजत पत्र अझै भेटिएको छैन।
छानबिन समितिले वाणिज्य विभागसँग आयात इजाजत मागेको लामो समय बितेको छ । अझैसम्म आयात इजाजतको कागजात फेला नपरेपछि खोज्न तीन सदस्यीय समिति गठन गरिएको छ । विभागका सूचना अधिकारी आनन्दराज पोखरेलले सामान्य ढङ्गले खोज्दा कागजात नभेटिएकाले कर्मचारी सम्मिलित समिति नै गठन गरी खोज्न थालिएको जानकारी दिए ।
‘नर्मल ढङ्गले खोज्दा आजसम्म भेटिएको छैन’ उनले भने । गृहद्वारा गठित समितिले भने कागजात प्राप्त नभएपछि विभागमै पुगेर कागजात खोज्ने भएको छ ।
‘हामी फलोअपका लागि विभागको निरीक्षणमा जाने तयारीमा छौ’ अधिकारीले भने । समितिले जिल्ला प्रशासनले दिएको अनुमति भन्दा प्रसाईँले फरक प्रकृतिको हतियार लिएको पाइएकाले थप विवरणका लागि पुनः वाणिज्य विभाग र भन्सार विभागलाई समेत पत्र पठाएको छ ।
प्रतिक्रिया दिनुहोस
सफल खबर संवाददाता
मंगलबार, ०४ बैशाख २०८१, १४ : ४३
लेखकबाट थप
सम्बन्धित समाचारहरु
राज्यले १३ वर्षदेखि तड्पाइ राखेको थियो, सर्वोच्चले न्याय दियो: दुर्गा प्रसाईं
दुर्गा प्रसाईँले पाएको हतियार इजाजतबारे छानबिन गर्न गृह मन्त्रालयद्वारा समिति गठन
दुर्गा प्रसाईँका अङ्गरक्षकलाई रिहा गर्न सर्वोच्चको आदेश
दुर्गा प्रसाईँको पक्षमा सर्वोच्चको फैसला, मेडिकल कलेजलाई सम्बन्धन दिन आदेश
दुर्गा प्रसाईँको रिटमा फैसला सुनाउने सर्वोच्चको तयारी
दुर्गा प्रसाईँको रिटलाई सर्वोच्चले दियो अग्राधिकार