इस्लामावाद । कयौं दिनदेखिको भारी वर्षाका कारण यतिबेला पाकिस्तानको दक्षिण पश्चिम क्षेत्र तहसनहस छ । वर्षाका कारण कम्तीमा पनि ३९ जनाले ज्यान गुमाएका छन् । यीमध्ये केहीको मृत्यु गहुँ काटिरहेको समयमा चट्याङ पर्दा भएको बताइएको छ । अनलाइनमा देखिएका केही तस्बिरमा वर्षाको पानीले खेतबारी चुर्लुम्म डुबेको देखिन्छ ।
अचानकको बाढीका कारण बिजुलीको आपूर्ति बन्द भएको छ भने सडकमा आवागमन प्रभावित भएको बताइएको छ । जलवायु परिवर्तनसँगै पाकिस्तानमा विषम मौसमी अवस्था बढेका छन् ।
सन् २०२२ मा देशको एक तिहाइ क्षेत्र बाढीको प्रकोपमा पर्दा १ हजार ७०० भन्दा धेरैको मृत्यु भएको थियो भने दर्जनौँ मानिस घाइते भएका थिए । त्यतिबेला दसौँ लाख मानिस घरबार विहीन बन्दा महिनौँ सम्म पिउने सफा पानीको अभाव थियो ।
सन् २०२२ मा आएको बाढीका कारण प्रभावित खैबर पख्तुन्खवा र बलूचिस्तानलगायत क्षेत्र हालैका आँधीबेहरीको चपेटामा आएका छन् ।आगामी केही दिनमा थप भारी वर्षा हुन् पाकिस्तानको मौसम विभागले चेतावनी जारी गरिरहँदा त्यहाँको राष्ट्रिय विपद् व्यवस्थापन प्राधिकरणले पहिरो खस्ने र बाढी आउन सक्ने चेतावनी दिइरहेको छ ।
शुक्रबारदेखि शनिबारको बीचमा चट्याङमा परेर पन्जाबमा सबैभन्दा धेरै २१ जनाको मृत्यु भएको भन्दै एएफपीले समाचार छापेको छ । सुदुरपश्चिम बलूचिस्तान प्रान्तमा पनि कम्तीमा ८ जनाको मृत्यु भएको छ । अधिकारीहरूले यस क्षेत्रमा आपतकालको घोषणा गरेका छन् । सोमबार र मङ्गलवार प्रान्तका विद्यालयहरू बन्द गर्न आदेश दिइएको छ।
प्रतिक्रिया दिनुहोस
सफल खबर संवाददाता
मंगलबार, ०४ बैशाख २०८१, १३ : ४१
लेखकबाट थप
सम्बन्धित समाचारहरु
अफगानिस्तान र पाकिस्तानमा बाढीको प्रकोप, ५७ जनाको मृत्यु
पाकिस्तानमा कुनै पनि मन्त्रीले तलब नलिने
पाकिस्तानमा इमरान खानसहित पीटीआई नेताका नाममा पक्राउ पुर्जी जारी
पाकिस्तानको पञ्जाबमा आवासीय भवन भत्किँदा ९ जनाको मृत्यु, २ घाइते
पाकिस्तानको राष्ट्रपतिमा आसिफ अली जरदारी निर्वाचित
फेसबुक, युट्युबलगायत सबै सामाजिक सञ्जालमाथि प्रतिबन्ध लगाउँदै पाकिस्तान