सशस्त्रका एसएसपी अधिकारी डीआइजीमा बढुवाका लागि सिफारिस

काठमाडौ । सशस्त्र प्रहरीका एक प्रहरी वरिष्ठ उपरीक्षक (एसएसपी) प्रहरी नायब महानिरीक्षक (डीआइजी) बढुवामा सिफारिस भएका छन् ।

बिहीबार बसेको बढुवा समितिको सचिवालयले एसएसपी दीपक अधिकारीलाई डीआइजी बढुवामा सिफारिस गरेको गृह मन्त्रालयले जनाएको छ । 

उनलाई सशस्त्र प्रहरी नियमावली २०७२ को नियम ३९ को उपनियम (१) को (ख) बमोजिम बढुवा सिफारिस गरिएको समितिले जनाएको छ ।

बढुवा सिफारिसउपर चित्त नबुझे नियमावलीको ५५ मा व्यवस्था भएबमोजिम सात दिनभित्र उजुरी सुन्ने समितिमा उजुरी दिन सकिने सचिवालयले जनाएको छ ।