बागमती प्रदेशसभा बैठक बस्दै

काठमाडौ । बागमती प्रदेशसभा बैठक आज बस्दैछ । दिउँसो ३ बजे प्रदेशसभा बैठक बस्ने बागमती प्रदेशसभा सचिवालय हेटौंडाले जनाएको छ ।

प्रदेशसभा बैठकमा बजेट तथा कार्यक्रम व्यवस्थापन सम्बन्धी विशेष समितिले तयार गरेको प्रतिवेदन पेश गर्ने कार्यसूचि रहेको सचिवालयले जनाएको छ ।

गत फागुन १० गते बसेको प्रदेशसभा बैठकले सत्तापक्ष र प्रतिपक्ष दलहरु बिचको बजेट विनियोजन सम्बन्धको सहमति कार्यान्वयनका साथै संसदको गतिरोध अन्त्यका र २०८०÷०८१ को बजेट तथा कार्यक्रम व्यवस्थापन सम्बन्धी विशेष समिति गठन गरेको थियो ।

११ सदस्यीय सो समितिले कार्यविधि निर्माण गरी सत्तापक्ष र प्रतिपक्ष बिचको सहमती लगायतका विषयमा अध्ययन तथा परामर्श गरी आजको बैठकमा प्रतिवेदन पेस गर्न निर्देशन संसदले दिएको थियो ।

प्रदेशसभा बैठक अघि दिउँसो १ बजे कार्यव्यवस्था परामर्श समितिको बैठक बस्नेछ । सो बैठकले प्रदेशसभाको अन्य कार्यसूचि तयार पार्ने प्रदेशसभा सचिवालय हेटौंडाका प्रवक्ता मनोजकुमार गुप्ताले जानकारी दिए