काठमाडौँ। प्रमुख प्रतिपक्षी दल नेकपा एमालेलगायत विपक्षी दलले उठाएका मागबारे प्रधानमन्त्री पुष्पकमल दाहाल 'प्रचण्ड'ले फागुन २१ गते संसद्मा सम्बोधन गर्ने भएका छन् ।प्रधानमन्त्री तथा मन्त्रिपरिषद्को कार्यालयले संसद् सचिवालयलाई शुक्रवार पत्र लेखेर २१ गतेको बैठकमा सम्बोधनका लागि समय मिलाउन आग्रह गरेको हो ।
शुक्रवारको बैठकमा सम्बोधन गर्ने तयारी रहे पनि काठमाडौं बाहिर रहेकाले उपस्थित हुन नसकेको प्रधानमन्त्री कार्यालयको पत्रमा उल्लेख छ ।विपक्षी दलले प्रधानमन्त्रीको जवाफ माग गर्दै संसद् अवरोधको चेतावनी दिएपछि सभामुख देवराज घिमिरेले शुक्रवार आगामी बैठकमा जवाफ दिन पुनः रुलिङ गरेका थिए ।
ललितपुरको बालकुमारीमा पुस १३ गते भएको घटनामा छानबिन आयोगले दोषी ठहर्याएका भौतिक पूर्वाधार मन्त्री प्रकाश ज्वाला, टेरामक्स प्रकरणमा अख्तियारमा बयान दिएका स्वास्थ्य मन्त्री मोहन बस्नेत र पुरातात्त्विक क्षेत्र रामग्रामलाई व्यक्तिको जिम्मा लगाउन खोज्ने संस्कृति मन्त्री सदन किराँतीको राजीनामा माग्दै एमालेले संसद्मा प्रधानमन्त्रीको जवाफ माग्दै आएको छ ।
दूध किसानको भुक्तानी लगायतका विषयमा सरकारको जवाफ माग गर्दै राप्रपाले समेत संसद अवरोधको चेतावनी दिएको थियो ।सभामुखको रुलिङपछि संसद् सुचारु भएको छ ।
प्रतिक्रिया दिनुहोस
सफल खबर संवाददाता
शुक्रबार, १८ फागुन २०८०, १४ : ५२
लेखकबाट थप
सम्बन्धित समाचारहरु
सत्तारुढ दलको बैठक बोलाउने प्रधानमन्त्री प्रचण्डको तयारी
स्वास्थ्य बीमा भुक्तानी व्यवस्था सरल हुनुपर्छ : प्रधानमन्त्री प्रचण्ड
चुरे क्षेत्रमा एक करोड बाँस रोप्छौँ : प्रधानमन्त्री
विश्वमञ्चमा नेपालीले उल्लेखनीय प्रगति गरेका छन् : प्रधानमन्त्री प्रचण्ड
सुन तस्करी जाँचबुझ आयोगको सिफारिस कार्यान्वयन गर्न प्रधानमन्त्री प्रचण्डको निर्देशन
राष्ट्रप्रति समर्पित युवा देशका लागि पहिलो आवश्यकता : प्रधानमन्त्री प्रचण्ड