हाम्रो काम संसद्को कोरम पुर्‍याउने मात्रै हो : बिजुला रायमाझी

काठमाडौं । नेकपा एमालेकी सांसद बिजुला रायमाझीले सरकारले प्रतिपक्षी दलको आवाजलाई सम्बोधन नगरेको भन्दै असन्तुष्टि पोखेकी छन् । आज बसेको प्रतिनिधि सभाको शून्य समयमा बोल्दै उनले संसद्मा प्रतिपक्षी दलको काम कोरम पुर्याउनेमात्र हो र ? भन्दै प्रश्न गरेकी छन् ।

‘शून्य समयमा जनताका प्रतिनिधिले जनताका समस्या समाधान गर्न सरकार समक्ष अनुरोध गर्दै आवाज उठाउने हो । सरकार सुन्न नसक्ने, देख्न नसक्ने भान हुन थालेको छ, म सरकारलाई गम्भीर प्रश्न गर्न चाहन्छु के प्रतिपक्षका सांसदको काम कोरम पुर्‍याउने मात्र हो ? जनताका प्रतिनिधिले जनता र राज्य कमजोर हुने विधेयक आँखामा पट्टी बाँधेर पास गर्नुपर्ने हो ? पीडितको पक्षमा सदनमा बोल्दा प्रतिपक्षलाई सुन्न मिल्दैन ?’ उनले भनिन् ।