काठमाडौँ । नेपाली काँग्रेसका सभापति शेरबहादुर देउवाले वर्तमान गठबन्धन सरकारलाई सहयोग र प्रोत्साहन गर्नु सत्ताघटकको हिसाबले काँग्रेसको दायित्व भएको बताएका छन् । उनले काँग्रेस गठबन्धन सरकारको प्रमुख घटक रहेको भन्दै त्यो निरन्तर रहने बताएका हुन् ।
पार्टीको महासमिति बैठकको समापन गर्दै सभापति देउवाले महासमिति बैठकबाट पार्टीलाई थप अनुशासित, ऊर्जावान र एकताबद्ध बनाएर अघि बढाउने विषयमा प्रेरणा प्राप्त भएको बताए ।
‘काँग्रेस वर्तमान गठबन्धन सरकारको प्रमुख घटक हो । त्यसकारण पनि मुलुकमा सुशासन, विकास र समृद्धि ल्याउन यो सरकारलाई निरन्तर सहयोग र प्रोत्साहन गर्नु काँग्रेसको दायित्व हुन्छ,’ देउवाले भने ।
उनले पार्टीले गौरवशाली इतिहासलाई आधार बनाएर समयसापेक्ष, दूरदर्शी र जिम्मेवारीपूर्ण ढंगले व्यवहार अपनाएकै कारण साढे सात दशक लामो यात्रा तय गरिसकेको भन्दै अबका लागि थप संवेदनशील भएर अघि बढ्नुपर्ने बताए ।
उनले महासमिति बैठकबाट पारित भएका प्रस्तावहरूलाई केन्द्रीय कार्यसमितिले संशोधनसहित पारित गर्ने जानकारी गराए । ‘विभिन्न प्रस्तावहरूमाथि साथीहरूले महत्त्वपूर्ण सुझावहरू दिनुभएको छ । ती सुझावहरू समेतलाई मध्यनजर गर्दै हामी केन्द्रीय कार्यसमितिबाट निर्णय लिनेछौँ,’ उनले भने ।
प्रतिक्रिया दिनुहोस
सफल खबर संवाददाता
विहीबार, १० फागुन २०८०, १९ : ४१
लेखकबाट थप
सम्बन्धित समाचारहरु
जहाजहरूको परीक्षण र अनुगमनलाई कडा बनाऊँ : शेरबहादुर देउवा
काँग्रेसका नेता-कार्यकर्ताले पढ्दैनन् भन्ने आरोप चिर्नुपर्छ : देउवा
काँग्रेसको प्रमुख सचेतकमा श्याम घिमिरे मनोनित
योजनाहरू शिलान्यास मात्रै गरेर छोड्नु हुँदैन : देउवा
सबैलाई आदर र सम्मान गर्ने हाम्रो आफ्नै विशिष्ट परम्परा छ : सभापति देउवा
बजेटअघि देउवाले बोलाए विपक्षी दल र संसदीय दलको बैठक