काठमाडौं। नेकपा एकीकृत समाजवादीका अध्यक्ष एवं पूर्वप्रधानमन्त्री माधवकुमार नेपालले देश विकासको खाका बनाउन सहकार्यको प्रस्ताव गरेका छन् ।एमाले अध्यक्ष केपी शर्मा ओलीसँग देश विकासको प्रस्ताव गरेको उनले बताए ।
समाजवादी इन्जिनियरिङ एसोसियसन, मधेश प्रदेश समितिले सोमवार जनकपुरमा आयोजना गरेको कार्यक्रममा नेता नेपालले देश विकासको मार्गचित्र बनाउन प्रधानमन्त्री पुष्पकमल दाहाल 'प्रचण्ड' र एमाले अध्यक्ष ओलीसँग देश विकासको मार्गचित्र बनाउन प्रस्ताव गरेका हुन् ।
‘नेपालमा कति वटा हवाई मैदान चाहिन्छ ? कहाँ के गर्नुपर्छ भन्ने कुराको सामरिक दृष्टिकोणको अभाव छ । मैले हिजो केपी ओलीजीलाई पनि भनेको थिएँ, म प्रधानमन्त्री हुँदा पनि मैले सोचेको थिएँ । प्रचण्डजीलाई पनि पटकपटक भन्ने गरेको छु ।
हामी बसौं । अनुभव भएकाहरू बसौं । अनुभव भएका व्यक्ति, नेता, मन्त्रीहरू । विज्ञहरू सबै बसौं । यो देश कसरी बनाउने, कसरी अघि बढाउने भन्ने बारेमा छलफल गरौं । देश विकासको मार्गचित्र बनाऔँ हामी’, नेता नेपालले भने ।
नेकपा एमाले विभाजन भएपछि नेता नेपालले पहिलो पटक ओलीसँग कुनै विषयमा सहकार्यको प्रस्ताव राखेका हुन् । नेकपा कालदेखि नै दुई नेताबीच कटुतापूर्ण सम्बन्ध छ । उनीहरुले एक अर्काको विरुद्ध बोले पनि सहकार्यको प्रस्ताव राखेको बाहिर आएको थिएन ।
नेता नेपालले ओलीसँग सो प्रस्ताव कुन मितिमा राखेको भन्नेबारे भने केही खुलाएनन् । प्रचण्ड र नेपाल अहिले सत्ता गठबन्धनमा छन् भने एमाले प्रतिपक्षमा पुगेको छ ।तीन वर्ष अघि नेकपा विभाजन भएपछि तीन कित्तामा पुगेका कम्युनिस्ट पार्टीबीच पुनः एकताको लागि तेस्रो तहका नेताहरूबीच गृहकार्य चलिरहेको छ ।
प्रतिक्रिया दिनुहोस
सफल खबर संवाददाता
मंगलबार, ०८ फागुन २०८०, १२ : २२
लेखकबाट थप
सम्बन्धित समाचारहरु
तराईको एक जिल्लामा दुई वटा मात्र राम्रो अस्पताल भए प्रभावकारी हुन्छ : अध्यक्ष नेपाल
गठबन्धनमा असन्तुष्ट माधव नेपालसँग देउवाको अर्थपूर्ण भेट
जनताबाट अलग भइसकेपछि समाजवादी पार्टीहरूको बिजोग हुन्छ : माधव नेपाल
सबै कम्युनिस्ट शक्ति एकीकृत हुनुपर्छ :अध्यक्ष नेपाल
एमाले वर्तमान सत्ता गठबन्धन तोड्न उद्यत छ : अध्यक्ष माधव नेपालको दस्ताबेज (पूर्णपाठसहित)
मुलुकको राजनीतिमा अझै अस्थिरताको बादल मडारिरहेको छ : माधव नेपाल