एक साताभित्र त्रिवि उपकुलपतिको नाम सिफारिस गर्ने तयारी

काठमाडौ । त्रिभुवन विश्वविद्यालयको उपकुलपति पदका लागि छनोटमा परेका १४ जनाको सोचपत्र र व्यावसायिक कार्ययोजनाको प्रस्तुतीकरण सकिएको छ।

सिफारिस समितिका सदस्य एवं शिक्षा सचिव सुरेश अधिकारीले बुधबारबाट प्रस्तुतीकरण सकिएको जानकारी दिँदै भने– ‘हिजो बुधबार ३ बजेदेखि ५ जनाको प्रस्तुतीकरण सक्यौं, अब केही दिनपछि अन्तर्वार्ताको प्रक्रिया शुरू गर्नेछौं ।’ मन्त्रालयले एक साताभित्र नाम सिफारिस गर्ने तयारी गरेको बताइएको छ ।

सिफारिस समितिका संयोजक शिक्षा, विज्ञान तथा प्रविधिमन्त्री अशोककुमार राई राजधानीमा नभएको कारण अन्तर्वार्ताको मिति तय हुन नसकेको खबर नेपाल समाचारपत्रमा छँपिएको छ ।