राष्ट्रिय पुरुष भलिबलको सेमिफाइनल आज

काठमाडौं । राष्ट्रिय पुरुष भलिबल प्रतियोगितामा आज सेमिफाइनलका दुवै खेल हुने भएका छन्। 

बिहान १० बजे हुने पहिलो सेमिफाइनलमा सशस्त्र प्रहरीको एपीएफ क्लब र गण्डकी प्रदेश प्रतिस्पर्धा गर्दैछन्। साबिक विजेता समेत रहेको एपीएफ समूह ए को विजेता हो भने गण्डकी समूह बी को उपविजेता हो।

यसैगरी दिउँसो एक बजे हुने दोस्रो सेमिफाइनलमा आर्मीले नेपाल पुलिस क्लबसँग खेल्नेछ। प्रतियोगिताको फाइनल खेल भोलि हुनेछ।